Glósima para SPIP

Pretendemos crear un sistema para a elaboración de terminoloxías que sexa sinxelo e permita a colaboración interdisciplinar e multilingüística.

 Debe ter un sistema de sostemento da comunidade (información e debate)
 Debe ser sinxelo de configurar e soster (o sistema é un medio e non un fin)
 Debe ser adaptable segundo diferentes propósitos e niveis de complexidade
 Debe permitir intercambiar os datos en formatos estándares (especialmente TBX)
 Debe permitir administrar diferentes glosarios dentro do mesmo sistema
 Debe permitir explotar a terminoloxía tanto para consulta como para apoio doutros contidos (dicionario en contexto)
 Debe ser capaz de reunir a información necesaria para a formalización de glosarios tanto en cantidade como en diversidade (media)
 Debe contribuír como ferramenta libre ao desenvolvemento da cultura, especialmente daquelas que por distintos motivos padecen as insuficiencias do "mercado"
 Nesta fase de desenvolvemento concíbese como un módulo para SPIP que é un dos mellores CMS para os propósitos de webs multilingües, non discriminatorios canto á súa accesibilidade e xestión que existen, concibido desde principios éticos e non técnicos e que está apoiado por unha magnífica comunidade que se reúne arredor de SPIP-Contrib. A este respecto o módulo "Glósima" pretende ser unha contribución valiosa para a comunidade.

Para o futuro...

Crear un sistema terminolóxico que poida ser conectable e interoperar con outros, especialmente abrindo camiño nos aspectos conceptuais e utilitarios da/s lingua/s.